Narkotikin təsiri altında sükan arxasına keçdi, HƏBS OLUNDU - VİDEO

Göyçay rayonu ərazisində narkotik vasitənin təsiri altında avtomobil idarə edən sürücü aşkarlanıb.

Avtosfer.az xəbər verir ki, Göyçay Rayon Polis Şöbəsi Dövlət Yol Polisi Bölməsinin əməkdaşlarının keçirdikləri tədbirlər zamanı 34 yaşlı Elvin Əliyevin idarə etdiyi avtomobil yoxlanılıb. Araşdırma zamanı sürücünün narkotik vasitənin təsiri altında olduğu müəyyən edilib.

Tibbi müayinənin nəticəsinə əsasən, E.Əliyevin marixuana istifadə etdiyi məlum olub.

Faktla bağlı onun barəsində inzibati protokol tərtib olunaraq materiallar məhkəməyə göndərilib. Məhkəmənin qərarı ilə Elvin Əliyev inzibati qaydada həbs edilib.

Nərmin