Vaqif Əsədov polisləri peşə bayramı münasibətilə təbrik edib - FOTO

Bakı Şəhər Dövlət Yol Polisi İdarəsinin sabiq bölmə rəisi, polis polkovniki Vaqif Əsədov Daxili İşlər Nazirliyinin kollektivinə təbrik ünvanlayıb.

Vaqif Əsədov Avtosfer.az vasitəsilə çatdırdığı təbrikində daxili işlər naziri, general-polkovnik Vilayət Eyvazov, Daxili İşlər Nazirliyinin şəxsi heyəti və polis veteranlarına səmimi arzularını qeyd edib. O bildirib:

“Möhtərəm daxili işlər naziri, cənab general-polkovnik Vilayət Süleyman oğlu Eyvazov, Daxili İşlər Nazirliyinin bütün şəxsi heyəti və əziz polis veteranları!

Sizi 2 iyul – Azərbaycan Polisi Günü münasibətilə ürəkdən təbrik edir, hər birinizə möhkəm cansağlığı, firavanlıq və şərəfli xidmətinizdə yeni uğurlar arzulayıram.

Bu il Azərbaycan Polisinin yaranmasının 108-ci ildönümü qeyd olunur. Bir əsrdən artıq şərəfli tarixə malik olan Azərbaycan Polisi dövlətçiliyimizin möhkəmləndirilməsində, ictimai asayişin və qanunun aliliyinin təmin olunmasında, vətəndaşlarımızın təhlükəsizliyinin qorunmasında mühüm xidmətlər göstərmişdir.

Bu gün də Sizin rəhbərliyiniz altında polis orqanları peşəkarlıq, qətiyyət və Vətənə sədaqətlə xalqımıza layiqincə xidmət edir, cəmiyyətin sabitliyinin və təhlükəsizliyinin etibarlı təminatçısı olaraq yüksək etimad qazanır.

Uca Allah Sizi və bütün Azərbaycan Polisi əməkdaşlarını qorusun! Vətənimizə və xalqımıza xidmət yolunda daim yeni nailiyyətlər qazanasınız!

Dərin hörmət və ehtiramla,

AR DİN polkovniki Vaqif Əsədov”.

Səfər