“Yol hərəkəti qaydalarını öyrənək” adlı intellekual yarış keçirildi - FOTO

Bakı şəhər Dövlət Yol Polisi İdarəsi və 1 nömrəli Uşaq-Gənclər İnkişaf Mərkəzinin təşkilatçılığı ilə “Yol hərəkəti qaydalarını öyrənək” adlı intellekual yarış keçirilib. Avtosfer.az xəbər verir ki, yarışı keçirməkdə məqsəd uşaqlarda yol hərəkəti qaydalarına dair bilikləri artırmaq, yol təhlükəsizliyi ilə bağlı məsuliyyətli davranış vərdişlərini formalaşdırmaq, təhlükəsiz hərəkət mədəniyyətini aşılamaqdır.

Yarışda Bakı şəhər ümumtəhsil məktəblərinin şağirdlərindən və 1 nömrəli Uşaq-Gənclər İnkişaf Mərkəzinin dərnək üzvlərindən ibarət “Piyadalar”, “Sürücülər”, “Radar”, “Təhlükəsiz yol”, “Yol ulduzları”, “Svetofor” və “Hərəkət” komandaları ilə iştirak edib.

Yarışın nəticələrinə görə “Piyadalar” komandası I yer, “Sürücülər” komandası II yer, “Yol ulduzları” komandası III yerin qalibi olublar. Sonda 1 nömrəli Uşaq-Gənclər İnkişaf Mərkəzi və Bakı şəhər Dövlət Yol Polisi İdarəsinin təkliatçılığı ilə “Təhlükəsiz yol, sağlam gələcək!” adlı hekayə müsabiqəsinin təltifolunma mərasimi keçirilib.

I yer İbrahimli Mikayıl, II yer Vəliyeva Ayşən, Məhərrəmov Hüseyn, III yer Məlikzadə Dəniz, Orucova Ayan diplomla təltif olunublar.

Tədbirdə Bakı şəhər Dövlət Yol Polisi İdarəsinin inspektoru polis kapitanı Pərvanə Muradova, polis leytenantı Elnur Mahmudov, 1 nömrəli Uşaq-Gənclər İnkişaf Mərkəzinin direktoru Kəmalə Abdullayeva və mərkəz əməkdaşları iştirak edib.