Yol polisi kəmər taxmayan sürücüləri simulyatora mindirdi – VİDEO

Türkiyənin Adana şəhərində yol hərəkəti təhlükəsizliyinin artırılması məqsədilə fərqli və təsirli bir maarifləndirmə tədbiri həyata keçirilib. Avtosfer.az xəbər verir ki, Adana Trafik Nəzarət Şöbə Müdirliyinin təşkilatçılığı ilə təhlükəsizlik kəməri taxmayan sürücülərə qarşı cərimə əvəzinə maarifləndirici yanaşma tətbiq olunub.

Sürücülər xüsusi simulyator alətinə yerləşdirilərək təhlükəsizlik kəməri olmadan qəza anında yaşana biləcək təsirləri birbaşa hiss ediblər. Bu praktiki təcrübə vasitəsilə onlara qəza zamanı təhlükəsizlik kəmərinin həyati əhəmiyyəti əyani şəkildə izah edilib.

Tətbiqin əsas məqsədi təhlükəsizlik kəməri taxmamağın fəsadlarını göstərərək sürücülər arasında məsuliyyət və şüurun artırılmasına nail olmaq olub. Simulyasiyada iştirak edən bəzi sürücülər etiraf ediblər ki, bu təcrübə onların düşüncələrini dəyişib və gələcəkdə təhlükəsizlik kəməri taxmağa daha ciddi yanaşacaqlar.

Sürücülər belə maarifləndirici tədbirlərin cəmiyyətin yol hərəkətinə yanaşmasında müsbət dəyişikliklərə səbəb olduğunu bildiriblər. Adana Trafik Nəzarət Şöbə Müdirliyi bu kimi aksiyaların davam etdiriləcəyini və ictimai maarifləndirmənin gücləndiriləcəyini açıqlayıb.

Eltac Zülfüqaroğlu

​​​​​​