Yol polisi uşaqların suallarını cavablandırdı; qəzalara qarşı mübarizədən danışıldı - FOTO

Bakı Şəhər Dövlət Yol Polisi İdarəsi və 1 nömrəli uşaq gənclər inkişaf mərkəzinin birgə fəaliyyət proqramına uyğun olaraq 24 nomrəli tam orta məktəbdə maarifləndirici tədbir keçirilib. Avtosfer.az xəbər verir ki, tədbirdə uşaqlara yol hərəkəti qaydaları haqqında məlumatlar verilib və yolda daha diqqətli olmaları tövsiyə edilib.

Tədbirlərdə Bakı Şəhər DYP İdarəsinin əməkdaşı polis kapitanı Pərvanə Muradova uşaqlara yol hərəkəti qaydalarına dair ətraflı məlumatlar verib, yol qəzası qurbanları haqqında statistikanı açıqlayaraq adi görunən bir səhvə görə insan həyatının itirilməsindən danışıb. Polis zabiti piyadalar üçün vacib olan yol nişanlarını əyani vasitələrlə nümayiş etdirərək uşaqlarla maarifləndirici dialoq aparıb, sualları cavablandırıb.

Qeyd edək ki, tədbirin keçirilməsində məqsəd uşaq və yeniyetmələrin iştirakı ilə yol-nəqliyyat hadisələrinin qarşısının alınması istiqamətində profilaktik tədbirləri gücləndirmək, eləcə də uşaqlara təhlükəsiz davranış vərdişlərini aşılamaqdır.