Yol polisinin süni intellektli radarı: 3 zolaq, 100-dən çox avtomobil – VİDEO

Yol polisi tərəfindən istifadə olunan müasir texnologiyalar yol hərəkətinə nəzarət imkanlarını genişləndirir. Bu texnologiyalardan biri də “BMW R 1250 RT” markalı motosikletə quraşdırılan süni intellekt əsaslı radar sistemidir.

Avtosfer.az xəbər verir ki, yol polisinin motosikletində quraşdırılan radar eyni anda üç hərəkət zolağını və 100-dən çox avtomobili analiz etmək imkanına malikdir.

Süni intellektlə işləyən sistem hərəkətdə olan nəqliyyat vasitələrini izləyir, onların sürətini və digər hərəkət göstəricilərini təhlil edir. Məlumatların real vaxt rejimində emal olunması yol polisinin nəzarət imkanlarını daha da genişləndirir.

Bu texnologiya yol polisi əməkdaşlarına eyni vaxtda daha çox avtomobili izləmək, sürət həddinin aşılması kimi qayda pozuntularını müəyyənləşdirmək və yol hərəkəti təhlükəsizliyinə nəzarəti gücləndirmək imkanı verir.

Beləliklə, “BMW R 1250 RT” motosikletinə quraşdırılan radar yol polisinin fəaliyyətində müasir texnologiyaların tətbiqinin nümunələrindən biridir.

Eltac Zülfüqaroğlu