"Land Rover" radara düşdü; cərimə “KIA” sürücüsünə göndərildi - FOTOLAR

Sürücülərdən birinin başına maraqlı hadisə gəlib. Sürücü hadisə ilə əlaqədar Avtosfer.az-ın qaynar xəttinə müraciət edib.

77-QX-745 dövlət qeydiyyat nişanlı ”Land Rover” markalı avtomobili yol hərəkəti qaydalarını pozduğu halda qayda pozuntusunu qeydə alan xüsusi texniki vasitə (radar) nömrəni düzgün oxumayıb.
Nəticədə cərimə “Land Rover”ə yox, bənzər nömrəyə, yəni 77-DX-745 qeydiyyat nişanlı “KIA” markalı avtomobilin sürücüsünə göndərilib.

Kameranın düzgün fiksasiya etməməsi səbəbindən “KIA” sürücüsünə Bakı-Ələt yolunda sürət həddini aşması ilə bağlı qayda pozuntusuna görə cərimə protokolu göndərilib. Sürücü bu vəziyyətdən xəbər tutduqda məsələni aidiyyəti quruma şikayət edib.

Vətəndaş DYP-dən qaydaları pozmadığı halda tərtib edilən cərimə protokollarının ləğv edilməsini tələb edir.

Fidan