Məktəblilərin təhlükəsizliyi ilə bağlı mühüm addım - FOTO

Özbəkistan paytaxtında şagirdlərin təhlükəsizliyi ilə bağlı maraqlı tədbir görülüb.

Avtosfer.az xəbər verir ki, Daşkəndin daxili məhəllələrində yerləşən məktəblərin ətrafında yolların əksəriyyətində hərəkət birtərəfli edilib. Qaydanı pozanları sanballı cərimə gözləyir. Məqsəd məktəblərin qarşısında xaotik hərəkəti azaltmaq və sürücülərin yola qaçan şagirdləri görməsini təmin etməkdir.

Özbəkistanda təhsil günü meqa tıxacların qarşısını almaq üçün daha bir maraqlı addım da atılıb. Orta məktəblərdə və ali məktəblərin 1-ci kursunda dərslər sentyabrın 2-də başladığı halda, yuxarı kurslarda məşğələlər sentyabrın 8-də başlayacaq. 

Ötən il isə, Daşkənd metropoliteninin işini yüngülləşdirmək üçün paytaxtda yerləşən universitetlərdə dərs saatları dəyişdirilib. Bu qayda indi də qüvvədədir. 

PS. Görəsən özbək rektorlar tıxaca və universitet qarşısındakı izdihama görə valideynləri ittiham edirlərmi?

Vüqar Yaşaroğlu