Mühərrik sayı artdıqca elektromobil daha qənaətcil olur – NƏZƏRİYYƏ VƏ PRAKTİKADA ZİDDİYYƏT   - FOTO

Adi avtomobildə sürücülər qənaət üçün həcmi az olan mühərriki seçirlər. burada son məqsəd yanacağa qənaətdir. Lakin elektromobildə bunun əksini görürük. 

Avtosfer.az xəbər verir ki, nəzəri baxımdan bir mühərrikli elektromobil daha qənaətcil olmalıdır: konstruksiya daha yüngül və sadə olur, az detal və kabeldən istifadə edilir, və s. Həm də elektrik cəmi 1 mənbəyə yönəlir. Lakin, reallıq başqadır.

Məlum olub ki, 2 və daha çox mühərrikə malik elektromobillər daha qənaətcildir. Səbəb də məlumdur: mühərrik sayı çox olan elektromobildə sürətlənmə ilə yanaşı, rekuperativ tormozlama da daha effektli olur. Buna görə də hər tormozlama zamanı batareyaya yönələn cərəyanın həcmi də böyük olur. Son nəticədə şəhər rejimində sürüş zamanı vaxtaşırı tormozlamaya görə batareya əhəmiyyətli dərəcədə dolur. Ənənəvi avtomobildən fərqli olaraq elektromobilin şəhər reejimində daha az enerji sərf etməsinin də səbəbi budur.

Son illərdə bəzi istehsalçılar (Tesla, Mercedes, Toyota) lüks modellərdə faydalı iş əmsalı 95 faizə çatan elektrik mühərriklərindən istifadə edirlər. Bu isə güc və eneji itkisinin minimuma endirilməsi anlamına gəlir.

Vüqar