Nömrəsiz “07” ilə “şou” göstərən sürücü yenidən CƏZALANDIRILDI - VİDEO

Avtosfer.az-ın əldə etdiyi məlumata əsasən, sözügedən sürücü – Əsgərli Həsən İsrail oğlu polis əməkdaşları tərəfindən saxlanılıb. Onun barəsində İnzibati Xətalar Məcəlləsinin 342.2.2-ci maddəsinə əsasən protokol tərtib olunub. Bundan başqa, avtomobilin konstruksiyası normal vəziyyətə gətiriləndən sonra sürücüyə qaytarılıb.

*** 13:30 

Paytaxt küçələrində yol hərəkəti qaydalarını kobud şəkildə pozan sürücü özünü videoya çəkərək sosial şəbəkə hesabında paylaşıb.

Bu barədə izləyicilərdən biri Avtosfer.az-ın “Whatsapp” ünvanına yazaraq ətraflı məlumat verib. Belə ki, 10-EY-367 dövlət nömrə nişanlı “VAZ-2107” markalı avtomobilin sürücüsü nəqliyyat vasitəsini dövlət nömrə nişanı olmadan günün qaranlıq saatlarında işıq cihazlarını sönülü vəziyyətdə idarə edib. Digər görüntülərdə isə işıq cihazlarından yalnız birini yandıraraq hərəkət etdiyi görünür.

Eyni zamanda o, avtomobilin konstruksiyasına müdaxilə edərək arxa yayları kəsib və ön hissəsini qaldırıb.

Şikayətçinin iddiasına əsasən, sözügedən şəxs Binəqədi rayonu ərazisində yaşayır və dəfələrlə cərimələnməsinə baxmayaraq, paytaxt yollarında təhlükəli manevrlər edərək “şou” göstərməyə davam edir.

Nərmin