Paytaxda zəbt olunan səkilər piyadalar üçün əngələ çevrilib - VİDEO

Paytaxtın bir sıra küçə və prospektlərində səkilərin vəziyyəti piyadaların hərəkətini xeyli çətinləşdirir.
Avtosfer.az xəbər verir ki, genişliyi kifayət qədər olmayan bəzi səkilərin üzərində obyektlərin pilləkənləri, reklam lövhələri, vitrinlər və digər konstruksiyalar yerləşdirilib. Bu səbəbdən piyadalar səkidən rahat istifadə edə bilmir, çox zaman yola çıxmağa məcbur olurlar. Bu isə xüsusilə uşaq arabası və əlil arabası ilə hərəkət edən insanlar, eləcə də yaşlı və fiziki məhdudiyyətli vətəndaşlar üçün ciddi problem yaradır.

Apardığımız sorğu zamanı sakinlər bu vəziyyətdən narazı olduqlarını bildiriblər. Onların sözlərinə görə, səkilər vətəndaşlar üçün nəzərdə tutulub və burada əsas şərt hərəkətin təhlükəsizliyi olmalıdır. Hətta bəzi küçələrdə səkilərdə belə “tıxac” yarandığını, insanların bir-birini gözləyərək keçmək məcburiyyətində qaldığını deyiblər.

Neqativ hal polis əməkdaşları tərəfindən aradan qaldırıldı.

Daha ətraflı videomaterialda:

Fidan