Qubada qayda pozan sürücü az qala qəza törədəcəkdi - ANBAAN VİDEO

Qubada qayda pozan sürücü təhlükəli vəziyyət yaradıb.

Avtosfer.az-ın məlumatına görə, hadisə bir neçə gün əvvəl səhər saatlarında qeydə alınıb.

Belə ki, yolayrıcına daxil olan 99-SK-743 dövlət nömrə nişanlı “Opel” markalı avtomobilin sürücüsü sağdan gələn nəqliyyat vasitəsinə yol vermədən sola manevr edib.

Bu zaman o, görüntünü qeydə alan avtomobilin qarşısına çıxaraq qəza şəraiti yaradıb. Görüntülərdən də görünür ki, toqquşmanın baş verməsinə saniyələr qalıb. Lakin görüntünü qeydə alan sürücünün son anda manevr etməsi nəticəsində qəzanın qarşısı alınıb.

Qeyd edək ki, qanunvericiliyə əsasən, nizamlanmayan yolayrıcında eyni əhəmiyyətli yollar kəsişdikdə sürücülər sağdan yaxınlaşan nəqliyyat vasitələrinə yol verməlidirlər. Həmçinin eyni əhəmiyyətli yolda sola və ya geriyə dönən sürücü qarşıdan düzünə və ya sağa hərəkət edən nəqliyyat vasitələrinə yol verməlidir. 

Nərmin