Sürücünün gözünə işıq düşdü; svetoforda motosikleti vurdu - VİDEO

İşıqforun yaşıl işığının yanmasını gözləyən motosikletçi arxadan gələn avtomobilin zərbəsinə məruz qalıb. Avtosfer.az xəbər verir ki, Tatarıstanda baş verən hadisə anbaan kameraya düşüb. Belə ki, sükan arxasında olan sürücü günəş şüalarının gözünü qamaşdırması səbəbindən qarşıdakı motosikletçini vaxtında görməyərək ona çırpılıb.

Zərbənin gücündən ağır xəsarətlər alan bayker təcili tibbi yardım maşını ilə xəstəxanaya çatdırılıb. Həkimlər onun vəziyyətini ağır olaraq qiymətləndirirlər.

Faktla bağlı araşdırma aparılır.

Sözügedən hadisənin videosunu təqdim edirik:

Namiq Musayev