Xruşov dövrünün mühərriki hələ də istehsaldadır

Oktyabrın 14-də olan məlumata görə Zavoljsk Motor zavodu hələ də ZMZ-523 mühərrikinin istehsalını davam etdirir. Məhsul zavodun kataloqunda mövcuddur. 

Avtosfer.az xəbər verir ki, faktı Rusiyanın avtomobil saytları üzə çıxarıb. Mühərriki bu gün də bazarda asan tapmaq mümkündür. Pərakəndə satışlarda onun qiyməti bir ildə təxminən 700 dollar bahalaşıb. Hazırda mühərrik təxminən 3700 dollara təklif edilir. Bu, dünyada istehsalı davam edən ən ucuz V8 mühərikidir. Onun istehsalı 1963-cü ildə, Xruşov zamanında başlasa da, kökü Stalin dövrünə gedib çıxır. Eyni konstruksiyaya malik olan “Ford Windsor V8 5.0” mühərriki ABŞ-də 6300 dollara təklif edilir. Lakin bu, orijinal “Ford” mühərriki deyil, “BluePrint Engines” şirkətinin hazırladığı lisenziyalı versiyadır.

Bu mövzu ilə bağlı daha ətraflı aşağıdakı linkdə: 

https://avtosfer.az/az/avtodunya/rusiyada-stalin-dovrunun-muherriki-modernlesdirir-215771

Vüqar