“Audi” Almaniyaya “Audi” idxal edənləri məhkəməyə verdi

Çin bazarı üçün istehsal edilmiş “AUDI E5 Sportback” və “AUDI E7X” modellərinin ötən aydan etibarən Almaniyaya idxal edilməsi “Audi” konserninin narazılığına səbəb olub. 

Avtosfer.az xəbər verir ki, SAIC-lə birgə layihələndirilən modellər Çində istehsal edilir və yerli bazar üçün nəzərdə tutulub. Lakin 1 aydan çoxdur qeyri-rəsmi dilerlər bu modeli Almaniyaya daşıyırlar. Həm də kifayət qədər baha qiymətə.

Çində E5 modeli 28 000 avro olduğu halda, Almaniyada 60 min avrodur, yəni 2 dəfə baha. Bununla belə, Çin modeli Avropa istehsalından ucuz olduğu üçün ciddi maraq doğurub.

Lakin bu vəziyyət “Audi” konserninin heç də ürəyincə deyil. “Automobilwoche” nəşrinin məlumatına görə şirkət dilerləri məhkəməyə verib. Məqsəd bu modellərin Avropaya gətirilməsinin qarşısını almaqdır. İddia ərizəsində göstərilir ki, bu avtomobillərin batareyaları Avropa bazarı üçün nəzərdə tutulmayıb. Eyni zamanda, konsernin servis mərkəzləri bu modellərə xidmət göstərmir. 

Bu məsələ ilə bağlı ötən ay məlumat vermişdik.

Daha ətraflı:

https://avtosfer.az/az/avtodunya/almaniyada-audi-ucun-servis-problemi-paralel-ixracin-fesadi-foto-343532

Vüqar