Külli miqdarda rüşvət almaqda təqsirləndirilən məktəb direktorunun məhkəməsi başlayıb

Külli miqdarda rüşvət almaqda təqsirləndirilən keçmiş məktəb direktoru Fəxrəddin Həsənovun cinayət işi üzrə məhkəmə prosesi başlayıb.

Avtosfer.az APA-ya istinadən xəbər verir ki, Şəki Ağır Cinayətlər Məhkəməsində hakim Xaliq Məmmədovun sədrliyi ilə keçirilən prosesdə anket məlumatları dəqiqiləşdirilib.

Cinayət işi məhkəmə baxışına verilib.

Məhkəmənin baxış iclası fevralın 27-nə təyin olunub.

Xatırladaq ki, Fəxrəddin Həsənov Ağsu rayonu S.Mikayılov adına tam orta məktəbin direktoru vəzifəsində çalışıb. Ona Cinayət Məcəlləsinin 311.3.3-cü (rüşvət alma-külli miqdarda törədildikdə) maddəsi ilə ittiham elan edilib.