Sürücü avtomobilinin yanmasına əsəbiləşib onu təpiklədi – ANBAAN VİDEO

İstanbulun Beyoğlu rayonunda qəribə hadisə baş verib. 

Avtosfer.az xəbər verir ki, küçə ilə hərəkətdə olan sürücünün idarə etdiyi avtomobil qəfil yanmağa başlayıb. Mühərrik hissəsində başlayan yanğın sürücünü nəinki təşvişə salıb, əksinə onu qəzəbləndirib.

Hadisə zamanı avtomobildən düşən sürücü emosiyalarına hakim ola bilməyərək öz avtomobilinə hücum edib. O, əvvəlcə maşının şüşələrini yumruqlayıb, sonra isə təpiklə sındırmağa çalışıb. Sürücünün öz avtomobilinə qarşı sərgilədiyi aqressiv davranış ətrafdakı insanların təəccübünə səbəb olub.

Olay ərazidə olan təhlükəsizlik kameraları və mobil telefon vasitəsilə lentə alınıb. Kadrlar göstərir ki, sürücü avtomobilinə qəsdən zərbələr endirərək onu daha da yararsız hala salır.

Hadisə yerinə yanğınsöndürənlər və polis əməkdaşları cəlb olunub. Alovun böyüməsinin qarşısı qısa müddətdə alınıb. Yanğının hansı səbəbdən baş verdiyi ilə bağlı araşdırma aparılır.

Məlumata görə, hadisə nəticəsində xəsarət alan olmayıb. Lakin sürücünün əsəbə qapılıb avtomobilinə zərər verməsi sosial şəbəkələrdə geniş müzakirələrə səbəb olub.

Eltac Zülfüqaroğlu