Alman istehsalçıların qazancı yarıbayayarı azaldı

Almaniyanın 2 əsas avtomobil konserninin mənfəəti ciddi şəkildə azalıb.

Avtosfer.az xəbər verir ki, ölkənin əsas avtomobil istehsalçısı olan “Volkswagen” konserninin birinci rübdə gəlirləri 40,6 faiz azalaraq 2,2 milyard avro təşkil edib. Konsern azalmanı bahalı modellərin satışındakı çətinliklərlə izah edir. İstehsalçının lüks modelləri üçün əsas bazar olan ABŞ-də ötən ay gömrük rüsumları artırıldıqdan sonra vəziyyət dəyişib.

Qeyd edək ki, konsernin tərkibinə “Audi”, “Porsche” və “Skoda” markaları da daxildir. 

“Mercedes” şirkətində də vəziyyət qənaətbəxş deyil. Ötən rüb xalis mənfəət 43 faiz azalaraq 1,7 milyard avro olub. Ştutqartlı istehsalçının da gəlirlərinin azalmasını səbəbləri eynidir.

Vüqar