Almaniyada avtomobili sükanı buraxaraq idarə etməyə İCAZƏ VERİLDİ

Almaniya həm istehsal etdiyi avtomobillərin keyfiyyəti, həm yolları, həm də yol qanunvericiliyi ilə Avropada seçilir. Ölkədə avtomobillərin avtomatik rejimdə idarə olunması üçün sistemlər təkmilləşdirilir. 

Avtosfer.az xəbər verir ki, Mercedes şirkəti artıq Drive Pilot avtomatik idarəetmə sistemi üçün lisenziya alıb. Ən əsası isə, Tesla belə bir sistemdə ikinci səviyyəyə çatıbsa, almanlar artıq üçüncü səviyyədədir.

Yəni, bu sistemə malik avtomobildə sürücü sükandan əlini tamamilə çəkə bilər. Lakin 100 km/saat sürətə qədər. Bundan əlavə, əlverişsiz hava və yol şəraitində sistem avtomoatik olaraq işdən ayrılacaq və sükan yenidən sürücüyə həvalə ediləcək.

Drive Pilot sistemi sürücüyə hərəkət vaxtı qanuni şəkildə başqa işlərlə məşğul olmağa imkan verəcək. Bu zaman sürücü telefonla danışsa da, qida qəbul etsə də, cərimə edilməyəcək.

Vüqar Yaşaroğlu