Avropada avtomobildə bizdəki kimi siqaret çəkmək olarmı?

Avtomobil əksər ölkələrdə şəxsi azadlıq məkanı hesab edilir. Yəni maşının içində insan evindəki kimi davara bilər. Amma, bu davranışın da müəyyən limiti var.

Avtosfer.az xəbər verir ki, demək olar heç bir ölkədə şəxsi avtomobildə siqaret çəkmək qadağan edilmir. Lakin, bu azadlıq da ciddi şəkildə məhdudlaşıdılır. 

Məsələn, Belçikada dayanmış avtomobildə siqaret çəkmək heç bir məsuliyyət yaratmır. Lakin heç kim Azərbaycandakı kimi hərəkət zamanı siqareti avtomobilin pəncərəsindən kənarda tuta bilməz. Bu zaman sürücüyə 75 avro cərimə tətbiq ediləcək. Eyni cəza siqaret yandırarkən diqqəti yoldan ayrılan, ya da əlini sükandan çəkən sürücüyə də şamil edilir. Bununla belə, cəza siqaret çəkməyə görə deyil, manevr imkanlarını məhdudlaşıdran hərəkətə görə tətbiq edilir. Qanunun bu tələbi Avropanın əksər ölkələrində eynidir. 

Bəzi hallarda cəza daha ağır olur. Uşaq və ya hamilə qadının olduğu avtomobildə siqaret çəkən şəxsi 1000 avro (təxminən 1800 AZN) cərimə gözləyir. Bu əmələ görə təkcə sürücü deyil, avtombildəki sərnişinlər də cəzalandırıla bilər.

Vüqar Yaşaroğlu