Avtobuslardan şikayət et, pul qazan

Avtobus və yük avtomobillərin ətraf mühiti çirkləndirməsi son 50 ildə aktuallığını qoruyub. Bu problemlə müxtəlif üsullarla mübarizə aparılır.

Avtosfer.az xəbər verir ki, Nyu-York şəhər rəhbərliyi bir neçə il əvvəl belə bir qayda tətbiq edib: dayanmış yük avtomobili və ya avtobusun mühərriki 3 dəqiqə ərzində söndürülmürsə, sürücüyə 150 avro cərimə tətbiq edilir. Eyni qayda çox tüstü verən texnikaya da şamil edilir. 

Qayda pozuntusunu çəkib polisə göndərən şəxslər mükafatlaşdırılır. Fakt təsdiqləndikdə cərimə məbləğinin 25 faizi qayda pozuntusu barədə xəbər verən şəxsə ödənilir. 
Maraqlıdır ki, bəzi nyu-yorklular bu işi özləri üçün biznesə çeviriblər. “Carscoops” saytının məlumatına görə, bu “biznes” bəzi xəbərçilərə ildə 100 min dollaradək gəlir gətirir. Çoxlarının gəliri dördrəqəmlidir. 

100 min dollar qazanan şəxs etiraf edib ki, bunun üçün gündə cəmi 2 saat işləmək kifayət edib.

Vüqar