Avtomobillərin idarəetmə panelləri niyə dəyişdi? – Səbəb bu imiş

Müasir avtomobillərdə idarəetmə panelləri getdikcə daha böyük ekranlarla əvəzlənir. Lakin avtomobil sənayesində bu texnoloji dönüşümdən əvvəl sürücüyə məlumat ötürən daha fərqli və estetik həllər mövcud olub.

Avtosfer.az xəbər verir ki, avtomobil istehsalçıları son illərdə salonlarda böyük şüşə panellərdən və rəqəmsal ekranlardan istifadəyə üstünlük verirlər. Bir çox yeni modeldə sürət, yanacaq sərfiyyatı, naviqasiya, multimedia və digər funksiyalar demək olar ki, vahid böyük ekran üzərində təqdim olunur.

Bununla belə, avtomobil sənayesinin əvvəlki dövrlərində hazırlanmış cihazlar və göstəricilər həm dizaynı, həm də özünəməxsus görünüşü ilə seçilirdi. Klassik analoq göstəricilər, mexaniki düymələr və sürücüyə yönəlmiş fərqli idarəetmə həlləri avtomobillərin xarakterini formalaşdıran əsas elementlərdən hesab olunurdu.

Həmin dövrün mühəndisləri və dizaynerləri sürücüyə məlumat ötürməklə yanaşı, avtomobilin salonuna xüsusi atmosfer qazandırmağa çalışırdılar. Buna görə də bəzi modellərdəki cihaz panelləri bu gün də avtomobil həvəskarlarının yaddaşında qalıb.

Müasir rəqəmsal ekranlar funksionallıq və məlumatın təqdim edilməsi baxımından geniş imkanlar yaratsa da, klassik göstəricilər avtomobil dizaynının daha fərqli və xarakterik dövrünü təmsil edir.

Avtomobil tarixində iz qoyan həmin cihaz panelləri bu gün kolleksiya avtomobillərində və retro modellərdə öz orijinal görünüşünü qoruyub saxlayır.

Eltac Zülfüqaroğlu