Avtosəyahət həvəskarları üçün böyüyən qoşqu təqdim edildi - FOTO

Almaniyanın "Beauer" şirkəti avtomobillə səyahət edən cütlüklər və kiçik ailələr üçün nəzərdə tutulmuş miniatür 2X qoşqusunu təqdim edib.

Avtosfer.az motor.ru-ya istinadən xəbər verir ki, bu yığcam treyler park edildikdə asanlıqla iki dəfə böyüyə və səyahət üçün yenidən kiçilə bilər.

Onun içərisində tam funksional mətbəx, vanna otağı və yataq otağı var. Treyler, həmçinin istilik sistemi və kondisionerlə təchiz olunub.

Kemperin çəkisi cəmi 750 kiloqramdır. Qiyməti isə 28 990 avrodan (50 836 manatdan) başlayır.

Qeyd edək ki, "Beauer" on ildən artıqdır ki, fəaliyyət göstərir və yığcam kamper qoşquları istehsal edir.

(oxu.az)