Azərbaycanda 60 il əvvəl pivə belə daşınırdı - FOTO

Sovet Azərbaycanında pivə dəbdə olan içkilərdən idi. Çexoslovakiya istehslı olan pivə ancaq şüşə qablarda olurdu və onu əldə etmək də hər kəsə nəsib deyildi. Yerli zavodların açıq pivələrini isə adətən xüsusi pivəxanalarda satırdılar. Bunu müstəqillik dövrünədək çəkilmiş filmlərdə görmək mümkündür. 

Avtosfer.az xəbər verir ki, Azərbaycanda 50-60 il əvvəl pivə xüsusi avtomobillərlə daşınırdı. Bu yolla həm maya dəyəri aşağı düşür, həm də böyük xərc tələb edən qablaşdırma sahələrinin qurulmasına ehtiyac qalmırdı. Pivə daşıyan sisternlərin su və yanacaq daşıyan maşınlardan ciddi fərqi yox idi. Sadəcə olaraq yük maşınlarının şasisi üzərinə paslanmayan poladdan hazırlanmış çən quraşdırılırdı.

Sisternlərlə pivə daşınması 60-cı illərdə daha geniş vüsət aldı. Bu çənlərin tutumu adətən 2 tonu keçmirdi. 80-ci illərin ortalarından etibarən bu cür daşınmalar tədricən zəiflədi və alkoqolla mübarizə kampaniyası vaxtı ümumiyətlə sıradan çıxdı.

Vüqar Yaşaroğlu