Bu ölkədə sürət limiti 150 km/saata QALDIRILIR

Bir çox Avropa ölkəsində sürət limiti məsələsinə yenidən baxılır. 

Avtosfer.az xəbər verir ki, iyundan etibarən Çexiyanın bəzi magistrallarında sürət limiti 150 km/saat olacaq. Bir ay müddətində yol infrastruktutunun və əhalinin belə yüksək sürətə uyğunluğu yoxlanacaq. Bunun ardınca limitin artırılıb-artırılmamasına qərar veriləcək.

Ümumi planda isə, Avropada maksimal sürətin artırılması tendensiyası davam edir. Almaniyanın bəzi avtobanlarındasürət limiti yoxdur. İtaliya 2023-cü ildən etibarən üçzolaqlı yollarda 150 km/saat sürətə icazə verir.

Niderland pandemiya vaxtı limiti 100 km/saata endirsə də, sonradan geri addım ataraq 130 km/saat sürəti bərpa etdi. Avstriya isə yaxın aylarda - seçkilərdən sonra bu məsələni müzakirə edəcək

Bir faktı da qeyd edək ki, sürət limiti məsələsi əsasən siyasi xarakterlidir.

Vüqar Yaşaroğlu