Bu ölkədə sürücülük təlimçiləri pedaqoji təhsilə cəlb olunacaq

Sentyabrın 1-dən Rusiyada sürücü hazırlığı ilə bağlı yeni normativlər qüvvəyə minir. 

Avtosfer.az xəbər verir ki, yeni qaydaya əsasən sürücülük təlimçiləri pedaqoji təhsilli olmalı və təkmilləşmə kursu keçməlidirlər. Əmək Nazirliyinin hazırladığı sənəd əslində sürücülük hazırlığının təhsil qanunvericiliyinə uyğunlaşdırılmasıdır.

Tatarıstandan olan ekspert Tatyana Vityuqovanın fikrincə, sürücülük təlimçisinin işi maşın sürə bilməklə yekunlaşmır. O, həm də dərsi planlamağı və təlim metodlarını bilməlidir. 

Lakin ölkədə təlimçilərin ixtisas təhsili müəssisələri yoxdur. Onların əksəriyyəti əlavə 250 saatlıq hazırlıq kursu keçmiş orta və ya ali peşə təhsilli şəxslərdir.

Vüqar