Bu şəhərdə parkinq əməkdaşlarının əksəriyyəti lal-kardır - FOTO

İlin əvvəlindən Daşkənddə parkinq xidməti müfəttişlərinin təhqir edilməsi ilə bağlı məhkəmələrdə 28 işə baxılıb.

Avtosfer.az xəbər verir ki, bəzi sürücülər onları təhqir edir, söyür, əllərindən planşetlərini almağa çalışırlar. Hətta 1 sürücü maşını qəsdən parkinq əməkdaşının üzərinə sürüb. Zorakılıqla üzləşənlər arasında qadın əməkdaşlar da az deyil.

“Poytaxt Parking”in əməkdaşları xidmətə daim onlayn kamera ilə çıxdıqları üçün sürücülərin bütün hərəkətləri qeydə alınır və müvafiq qurumlara ötürülür.

Hazırda bu xidmətdə çalışan 90 müfəttişdən 54-ü eşitmə və nitq qüsurludur. Onların əksəriyyəti əvvəllər Daşkənddə qanunsuz fəaliyyət göstərmiş “parkovşik”lərdir. Müfəttişlərin arasında 14 qadın da var. Yaxın günlərdə əlilliyi olan daha 6 nəfər işə götürüləcək.

Vüqar Yaşaroğlu