Burak Özçivitin 35 milyonluq “oyuncağı” – Porsche GT3 - FOTO

Türkiyənin məşhur aktyoru Burak Özçivit, avtomobil kolleksiyasına növbəti lüks modelini əlavə edib.

Avtosfer.az xarici KİV-ə istinadən xəbər verir ki, aktyor, qiyməti 35 milyon türk lirəsi dəyərində olan Porsche GT3 avtomobili ilə dünən axşam “Bebek Otel”dən çıxarkən obyektivlərə tuş gəlib.

"Kuruluş Osman" bitdi, gələn istirahət planı

“Kuruluş Osman” serialında Osman Bey obrazını canlandıran Burak Özçivit, Bebek Otel-dən çıxarkən jurnalistlərin suallarını cavablandıraraq bildirib ki, serialın mövsümü bu günlərdə bitib və artıq istirahətə hazırlaşır. O, ailəsi ilə birlikdə yola çıxacağı tətil marşrutundan danışıb, lakin təfərrüatları açıqlamayıb.

Porsche GT3 ilə izdiham

Avtomobil həvəskarı kimi tanınan Burak Özçivit, dəyəri 35 milyon TL olan Porsche GT3 modelini yeni “oyuncağı” kimi sərgiləyib. Porsche GT3 ilə “Bebek Otel”dən çıxarkən diqqət mərkəzində olub.

Keçən il alınan digər lüks avtomobil

Xatırlatmaq lazımdır ki, məşhur aktyor ötən il də avtomobil kolleksiyasını genişləndirmişdi: o zaman dəyəri 13 milyon TL olan Mercedes GT modelini almışdı.(lent.az)