Dünyanın ən böyük xərçəngi - Avtomobil ölçüsündə

Xərçənglər qədim xərçəngkimilərin bədən quruluşundan təkamül ediblər. Bu qədim quruluş karides və omarlarda olduğu kimi böyük quyruğa malik idi.

Avtosfer.az xarici mediaya istinadən xəbər verir ki, çəkisi 13,6 kiloqrama çatan yapon hörümçək-xərçəngi bəlkə də dünyanın ən ağır xərçəngi hesab olunur.

Dünyanın ən böyük xərçəngi şübhəsiz ki, yapon hörümçək-xərçəngidir. Xətti ölçülərinə görə ondan daha böyüyü yoxdur. Niderlandda muzeydə saxlanılan bir nümunənin ayaq açılımı 3,7 metrə çatır. 

Çəkisi 13,6 kiloqrama çatan yapon hörümçək-xərçəngi ən ağır xərçəng hesab olunsa da, daha yoğun quruluşa malik Tasmaniya nəhəng xərçəngi də bu ada iddia edə bilər.

Tasmaniya Muzeyi və İncəsənət Qalereyasının məlumatına görə, Tasmaniya nəhəng xərçənginin çəkisi 17,6 kiloqrama çata bilər ki, bu da təyyarədə baqaj üçün nəzərdə tutulan standart çəki limitinə yaxındır.

Məqalədə həmçinin Hind-Sakit okean regionunda yaşayan kokos xərçəngindən (oğru xərçəngi kimi də tanınır) bəhs edilir. Təxminən 4 kiloqram çəkisi olan bu canlı quruda yaşayan bütün onurğasızlar arasında ən ağırıdır və hətta kokos qozunu sındıracaq qədər güclüdür.

Xərçənglər niyə yan-yana hərəkət edir?

Maraqlıdır ki, xərçənglərin əksəriyyəti yan istiqamətdə yeriyir. Lakin bəzi növlər, məsələn, yöndəmsiz görünüşlü hörümçək-xərçənglər, dik qayalara dırmaşmaq üçün ayaqlarının iti uclarından istifadə edərək irəli hərəkət etməyə üstünlük verirlər. Eyni zamanda, hermit xərçəngləri öz qabıqlarını kürəklərində daşıyırlar.

Alimlərin fikrincə, xərçənglər böyük quyruğa malik qədim xərçəngkimilərdən təkamül ediblər. Omarlarda olduğu kimi bu quyruq təhlükə zamanı sürətlə geri üzməyə imkan verirdi. Lakin quruda bu, ağır və narahat idi.

Bundan əlavə, omarlar yalnız irəli hərəkət edə bilirlər. Bu isə həm daha yavaşdır, həm də uzun ayaqlar iki sıra halında bədənin hər iki tərəfində yerləşdiyindən bir-birinə mane olur.

Təkamül prosesində xərçənglərin quyruqları xeyli kiçilib. Bu gün o, bədənin alt hissəsinə sıxılmış kiçik bir çıxıntı şəklindədir. Bu xüsusiyyət onların yan istiqamətdə daha sürətli hərəkət etməsinə şərait yaradır. Ən sürətli növlər isə tropik çimərliklərdə yaşayan “xəyal xərçəngləri”dir.

Onların yüngül bədən quruluşu sudan tez çıxaraq sahildə qida toplamağa da imkan verir. Bəzi növlər isə tamamilə quruda yaşamağa uyğunlaşaraq quru xərçənglərinə çevriliblər./lent.az