Dünyanın ən isti ölkələri

Son araşdırmalar göstərir ki, dünyanın bəzi bölgələrində temperatur rekord həddə çatır və insanların gündəlik həyatına ciddi təsir göstərir.

Bəs ən isti ölkələr hansılardır?

Avtosfer.az Sfera.az-a istinadən xəbər verir ki, dünya meteorologiya araşdırmalarına görə, dünyanın ən isti ölkəsi Liviya hesab olunur. Ölkənin geniş səhra əraziləri, xüsusilə Əziziyyə səhrası il boyu yüksək temperaturla diqqət çəkir. Mütəxəssislər bildirirlər ki, burada orta illik temperatur 45–55 dərəcə arasında dəyişir və yay aylarında həyatın çətinləşməsinə səbəb olur. Səhraların günəş şüalarını böyük ölçüdə udması torpağın daha da qızmasına gətirib çıxarır.

Bununla yanaşı, dünyanın ən yüksək temperatur rekordu ABŞ-ın Kaliforniya ştatında yerləşən Ölüm Vadisində qeydə alınıb. 10 iyul 1913-cü ildə burada 56,7 dərəcə istilik müşahidə olunub. Bu göstərici Dünya Meteorologiya Təşkilatı tərəfindən indiyə qədər qeydə alınan ən yüksək temperatur olaraq təsdiqlənib. 

Dünyanın digər isti ölkələri arasında İran və Kuveyt də diqqət çəkir. İranda Lüt səhrasında temperaturlar yay aylarında 50 dərəcəyə yaxın olur və burada hava şəraiti insan üçün olduqca sərtdir. Kuveytin paytaxtı Əl-Kuveyt şəhərində isə 2016-cı ildə 54 dərəcə istilik qeydə alınıb ki, bu da ölkənin ən yüksək temperatur rekordudur.