Elektrikli avtobusların üstünlükləri nələrdir? - Nazirin müşavirindən AÇIQLAMA

Elektrik mühərrikli avtobuslar benzin və dizellə işləyən şəhər nəqliyyatı ilə müqayisədə ekoloji cəhətdən daha təhlükəsizdir. Çünki elektrik mühərrikli nəqliyyat vasitələrinin emissiyası sıfıra bərabərdir.

Avtosfer.az bildirir ki, bu barədə Rəqəmsal inkişaf və nəqliyyat nazirinin müşaviri Rəşad Bayramov sosial şəbəkə hesabında paylaşım edib. Bildirirb ki, nəqliyyatın yaratdığı problemlərdən biri də səs çirkliliyidir. Elektrik mühərrikli nəqliyyat vasitələri isə digər nəqliyyat növləri kimi səs-küy yaratmır. 
Əhəmiyyətli üstünlüklərdən biri də elektrik mühərrikli avtobusların iqtisadi cəhətdən daha səmərəli olmasıdır. Benzinlə qət edilən 1 km məsafəni elektrik enerjisi ilə qət edilən 1 km məsafə ilə müqayisə etsək, yanacağın dəyəri baxımından burada mütləq elektrikli nəqliyyat üstün gəlir.

Elektrikli avtobuslar benzin və ya dizellə işləyən avtobuslardan qat-qat az daxili hərəkət hissələrinə malikdir. Bu da istismar xərclərini azaldır.
Artıq 160 elektrikli avtobus ölkəyə gətirilib və 2030-cu ilədək Bakı şəhərinin ictimai nəqliyyatında istifadə olunacaq bütün avtobuslar elektrikli olacaq.

Könül Rauf