"Günəşdə təmir gedir, sağ tərəfdən uçun" - Maraqlı paylaşım - FOTO

Rusiyalı astronomlar Günəşin səthində ləkələrin birləşməsindən yaranmış nəhəng ox fiquruna bənzər görüntüləri yayıblar. Avtosfer.az Oxu.az-a istinadən xəbər verir ki, bu maraqlı hadisə ilə bağlı Rusiya Elmlər Akademiyası Kosmik Tədqiqatlar İnstitutunun rəsmi "Telegram" səhifəsində paylaşım edilib.

Mütəxəssislər bu kosmik mənzərəni zarafatyana belə şərh ediblər:

"Hazırda Günəş sistemində profilaktik təmir işləri gedir. Sağ tərəfdən uçuş həyata keçirin".

Tədqiqatçılar paylaşımı təmir xəbərdarlığına dair yol nişanı ilə onun Günəşdəki oxşarını kollaj şəklində təqdim ediblər.