Günəşin istilik təsirini azaltmaq mümkün olacaq - Alimlər

Stardust şirkəti Günəşin parlaqlığını azaltmaqla Yer kürəsinin temperaturunu aşağı salmağı planlaşdırır.

Avtosfer.az xəbər verir ki, bu barədə New Yorker jurnalı məlumat yayıb.

Şirkət bu ideyanı vulkan püskürmələrindən ilhamlanaraq hazırlayıb: milyonlarla ton kükürd dioksidi Günəş şüalarını əks etdirərək kosmosa geri qaytarır və beləliklə, planetin səth temperaturu azalır.

Stardust bu yanaşmanı “Günəş işığını əks etdirən texnologiya” və ya geoinjeneriya adlandırıb. Jurnalın məlumatına görə, bu fikir uzun illər müzakirə olunub, amma şirkət onu böyük, lakin “təhlükəli addım” kimi həyata keçirməyə çalışır.

Planına görə, innovativ hissəciklər buludların üzərinə səpələnəcək və orada bir növ güzgü effekti yaradaraq Günəşin istilik təsirini azaldacaq.

Bununla belə, alimlər hissəciklərin tərkibini açıqlamayıb, amma vurğulayıblar ki, onlar tamamilə insanlara və ekosistemlərə təhlükəsizdir. Şirkətin həmtəsisçisi Yanay Yedvab bildirib ki, onlar texnologiyanı öz gücləri ilə həyata keçirməyi planlaşdırmırlar, çünki bunun üçün böyük xərclər və resurslar tələb olunur.