Günlük kirayəlik evdə GİZLİ KAMERA ŞOKU

Dünyaca məşhur internet portalı Airbnb yeni bir problemlə qarşı-qarşıyadır.

Avtosfer.Az Sfera.az-a istinadən xəbər verir ki, kirayəlik ev və otaq xidməti təklif edən Airbnb istifadəçiləri evlərdə gizli kamera tapdıqlarını söyləyərək internetdə sözügedən görüntünü çəkib, paylaşırlar.

Son olayda bir ABŞ-lı 27 noyabrda tvit ataraq gizli kamera ilə bağlı şikayətlənib. Ceyson Skott adlı bu şəxs Airbnb-dən kirayələdiyi otaqda internetə qoşulu gizli kameranı tapan dostunun gecə saat 3-də evi tərk etdiyini qeyd edib.

Skott dostuna vurulun mənəvi zərərə görə pul ödənildiyi və evi dostuna kirayə verən şəxsin Airbnb sistemindən çıxarıldığını sözlərinə əlavə edib.