Hər kəsin evində var, amma təhlükəsini çoxu bilmir

Evlərdə gündəlik istifadə olunan bəzi əşyalar düzgün istifadə edilmədikdə sağlamlıq və təhlükəsizlik üçün ciddi risk yarada bilər.

Avtosfer.az-ın məlumatına görə, mütəxəssislər bildirirlər ki, xüsusilə elektrik cihazları, uzadıcılar və köhnəlmiş məişət avadanlıqları diqqətsiz istifadə zamanı yanğın və digər təhlükəli hallara səbəb ola bilər.

Ən çox rast gəlinən səhvlərdən biri elektrik cihazlarını uzun müddət nəzarətsiz işlək vəziyyətdə saxlamaqdır. Həddindən artıq yüklənmiş prizlər və keyfiyyətsiz uzadıcılar isə qızmaya, qısaqapanmaya və yanğına gətirib çıxara bilər.

Bundan başqa, evlərdə istifadə olunan bəzi təmizləyici vasitələrin düzgün saxlanılmaması da sağlamlıq üçün təhlükə yaradır. Kimyəvi maddələrin uşaqların əli çatmayan yerdə saxlanılması və istifadə zamanı təlimatlara əməl edilməsi vacibdir.

Ekspertlər xəbərdarlıq edirlər ki, evdəki əşyaların təhlükəsiz istifadəsinə diqqət yetirmək mümkün qəza hallarının qarşısını ala bilər.//milli.az