İctimai nəqliyyatda qiymətlər bu qədər artdı: Yanvarın 18-dən...

İstanbulda ictimai nəqliyyatda qiymətlərin artırılmasına qərar verilib.

Avtosfer.az xəbər verir ki, İstanbul Böyükşəhər Bələdiyyəsinin ( İBB ) Nəqliyyat Koordinasiya Mərkəzinin (UKOME) iclasında ictimai nəqliyyat ödənişləri yüzdə 35 artırılıb.

Buna görə tam bilet 96 qəpikdən (20 TL)-dən 1 manat 20 qəpiyə (27 TL) yüksəlib. Artımla tam elektron bilet haqqı 20 lirədən 27 lirəyə, tələbə biletinin qiyməti 9,76 lirədən 13,17 lirəyə, güzəştli 2 tarif isə 14,32 lirədən 19,33 lirəyə yüksəlib.

Taksilərdə taksi sayğacının açılış haqqı yüzdə 40 artımla 30 lirədən 42 lirəyə, sarı taksinin məsafə haqqı yüzdə 40 artımla kilometr başına 20 lirədən 28 lirəyə qalxıb.

Yeni qiymətlərin yanvarın 18-dən qüvvəyə minməsi gözlənilir.

(publika.az)