İran Rusiyadan üz döndərib Çinə yönəldi

İsraillə müharibədə hərbi aviasiyasının 30 faizini itirən İran öz arsenalını mümkün qədər tez doldurmaq istəyir. 

Avtosfer.az xəbər verir ki, Tehran “Chengdu J-10” qırıcıları üçün Çinlə danışıqları bərpa etməık niyyətindədir. 
İranın hərbi aviasiya parkı əsasən şah dövründə alınmış köhnə ABŞ təyyarələrindən ibarətdir. Sonuncu döyüşdən sonra sovet istrehsalı olan 18 ədəd Miq-29 qalsa da, texniki qulluq olmadığı üçün heç nəyə yaramır. 

2015-ci ildə İran Çindən 150 təyyarə almaq istəsə də, embarqoya görə mümkün olmadı. Çin ödənişi dollarla istəsə də, İran neft təklif edirdi. 2020-ci ildə embarqo qismən qalxandan sonra isə İran cəmi 36 təyyarə istədi və danışıqlar dayandı. İndi isə tərəflər yenidən görüşməyə hazırdılar. 

Xatırladaq ki, Çİn təyyarəsinin qiyməti 60-90 milyon dollar arasında dəyişir.

Rusiyaya gəlincə, İran bu ölkə ilə 2023-cü ildə 50 SU-35 təyyarəsinin alışına dair müqavilə imzalasa da, indiyədək cəmi 4 təyyarə çatdırılıb.  Ukrayna müharibəsinə görə Rusiya müqaviləni dondurub. 

Hərbi tədqiqat qruplarının fikrincə, Rusiya İl ərzində cəmi 3 ədəd SU-35 istehsal edə bilir. Bu da heç Ukrayna ilə müharibə üçün kifayət deyil.

Vüqar