Kişilər, yoxsa qadınlar daha yaxşı sürücüdür? – AQİL RƏHİMOV AÇIQLADI - VİDEO

Son günlər sosial şəbəkələrdə sürücülərin ən çox verdikləri suallardan biri qadınların, yoxsa kişilərin daha az qəza törətməsidir.

Avtosfer.az xəbər verir ki, “Avto FM” radiosunun efirində qonaq olan qəza kursları üzrə məşqçi Aqil Rəhimov deyib ki, qadın sürücülərin sayı kişi sürücülərin sayından azdır:

“Kişilərin qadınlardan daha yaxşı maşın sürməsi fikri doğru deyil. Ağır qəzaya düşən qadınların sayı kişilərdən qat-qat azdır. Maraqlı faktdır, qadınların reaksiyaları zəifdir, amma qəzaya daha az düşürlər. Birincisi, səbəb odur ki, qadınların daxili aləmi başqa cürdür. İstənilən kişidə az da olsa yolda başqa sürücülərlə rəqabət məsələsi var. “Bu məni ötdü?” reaksiyası bütün gənc sürücülərimizdə var, demək olar. Məsələn, kurslara gələn xanımlarda müəllimin, təlimçinin, məşqçinin ona hər şeyi öyrətməsini gözləmək kimi düşüncə var. Amma kişilərin əksəriyyəti, “əşi, mən müəllimdən əskiyəm?!” fikrindədir”.

Aqil Rəhimovun “Avto FM”in efirindəki həmin videosunu sizə təqdim edirik:

Səfər