Metro stansiyaların adlarının əvvəllər nə olduğunu bilirdiz? - FOTO

Paytaxtın nəqliyyat infrastrukturunun əsas sütunlarından biri olan Bakı metrosu illər ərzində təkcə yeni stansiyalarla deyil, həm də ad dəyişiklikləri ilə diqqət çəkib.

Avtosfer.az xəbər verir ki, xüsusilə müstəqillikdən sonra bir sıra metro stansiyalarının sovet dövrünə aid adları dəyişdirilərək milli və tarixi dəyərləri əks etdirən adlarla əvəz olunub.

Vaxtilə “Bakı Soveti” adlanan stansiya bu gün “İçərişəhər” kimi fəaliyyət göstərir. “26 Bakı Komissarı” stansiyası isə “Sahil” adlandırılıb. Sovet ideologiyasını əks etdirən “28 Aprel” stansiyasının adı dəyişdirilərək “28 May” edilib.

Keçmişdə “Şaumyan” adını daşıyan stansiya hazırda “Xətai” kimi tanınır. “XI Qızıl Ordu Meydanı” stansiyası “20 Yanvar” adını alıb. “Komsomolskaya” stansiyası isə “Nəriman Nərimanov” kimi sərnişinlərin istifadəsinə verilib.

Bununla yanaşı, “Avrora” stansiyası “Qara Qarayev”, “Elektrozavod” isə “Bakmil” adı ilə əvəzlənib. Vaxtilə “Neftçilər” adlanan stansiya bir müddət sonra eyni adı saxlasa da, bəzi digər stansiyalarda da mərhələli şəkildə ad dəyişiklikləri aparılıb.

Ad dəyişikliyi prosesləri əsasən 1990-cı illərin əvvəllərindən başlayaraq həyata keçirilib və tarixi-siyasi reallıqlara uyğunlaşdırılıb. Hazırda köhnə adlar daha çox yaşlı nəslin xatirələrində qalsa da, yeni adlar paytaxt sakinləri üçün artıq adi və gündəlik istifadədədir.

Qeyd edək ki, “Bakı Metropoliteni” 1967-ci ildən fəaliyyət göstərir və hazırda paytaxtın əsas ictimai nəqliyyat vasitələrindən biri olaraq gündəlik yüz minlərlə sərnişinə xidmət edir.

Eltac Zülfüqaroğlu