Müəmmalı kometa Yerin ən yaxın nöqtəsindən keçdi - FOTOLAR

Ulduzlararası kometa "3I/ATLAS" Yerə ən yaxın məsafədən keçib. Kosmik obyektdən Yerə olan məsafə təxminən 269 milyon kilometr olub.

Avtosfer.az Oxu.az-a istinadən xəbər verir ki, bu barədə Rusiya Elmlər Akademiyasının Kosmik Tədqiqatlar İnstitutu məlumat yayıb.

Alimlərin fikrincə, səma cismi üçün növbəti vacib nöqtə martın 16-da təxminən 53 milyon kilometr məsafədən keçəcəyi Yupiter olacaq.

Məlumata görə, "3I/ATLAS" astronomlar tərəfindən kosmik müşahidələr tarixində kəşf edilən üçüncü ulduzlararası obyekt olub. Elm adamları 2017-ci ildə "Oumuamua" asteroidini, 2019-cu ildə isə "2I/Borisov" kometasını kəşf ediblər.

Əksər alimlər "3I/ATLAS"ın ulduzlararası kometa olduğuna inanırlar. Lakin Harvard universitetinin astrofiziki Avi Leb süni mənşəli əlamətlər göstərdiyini iddia edərək, "3I/ATLAS" kometasını nəhəng "yadplanetli gəmi" adlandırıb.