NASA Günəşə peyk göndərdi

ABŞ-ın Milli Aeronavtika və Kosmos İdarəsi (NASA) “Parker Solar Probe” peykini Günəşə göndərib. Avtosfer.az-ın Trend-ə istinadən məlumatına görə, Florida ştatının “Kanaveral” kosmodromundan yüksək elliptik orbitə çıxarılan peyk amerikalı məşhur astrofizik Yucin Parkerin adını daşıyır. “Parker Solar Probe”nin 7 il ərzində 24 dəfə Günəş ətrafında dövr edərək ona rekord yaxın məsafədə - 6,1 milyon kilometr yaxınlaşması planlaşdırılır. Dəyəri 1,5 milyard ABŞ dolları olan peykin birbaşa Günəş tacına daxil olmaq və Yerdə həyat şəraitinə təsir edən yüksəkenerjili Günəş küləyinin yaranma mexanizmini araşdırmaq imkanı var.