Naviqator sürücünü narkodilerlərin məhəlləsinə gətirdi, milyonçu amerikalı soyuldu

Süni intellektin bəzən çox ciddi səhvlərə yol verdiyinin şahidi oluruq. Hansısa avtomobilin dalana girməsi və ya bataqlığa düşməsinin də səbəbi bir çox hallarda naviqator xətasından qaynaqlanıb. Analoji hadisə ABŞ-dan olan cütlüyün başına gəlib. 

Avtosfer.az xəbər verir ki, Fransaya istirahətə gəlmiş milyonçu ər-arvad Nitsa şəhərində ikən poçtla ölkələrinə bağlama göndərmək istəyib. Bahalı Ferrarinin naviqatoru cütlüyü poçt yerinə şəhərin fransızların təbinincə desək, “həssas məhəlləsinə” gətirib. Qanunların işləmədiyi məhəllədə poçtun qarşısında dayanan Ferrari dərhal məhəllə sakinlərinin diqqətini cəlb edir.

Bir nəfər sərnişin tərəfdən qapını açaraq qadının içərisində 5000 dollar və sənədləri olan çantasını götürür. Sonra 3 nəfər kişini maşından sürüyüb çıxarıb və onun 2 min avroluq günəş eynəyi, içində 8000 dollar və 3000 avro nağd pul olan bahalı çantası əlindən alıb. Lakin quldurluq edən şəxslər nədənsə 60 min dollarlıq saata və avtomobilə toxunmayıb.

Bütün sənədləri və pulubu itirən ABŞ vətəndaşlarının polisə şikayəti isə nəticəsiz qalıb. Bu da bir daha göstərir ki, naviqatorlara inanmaqla yanaşı, ərazini də tanımaq vacibdir.

Vüqar Yaşaroğlu