Neymar 46 milyon dollarlıq ev aldı - Avtomobili birbaşa yaşadığı mərtəbəyə qalxacaq - VİDEO

"Santos"un hücumçusu Neymar Dubayda lüks mənzil alıb.

Avtosfer.az xəbər verir ki, o bu ev üçün 46 milyon dollar (78 milyon 200 min AZN) ödəyib.

Məlumata görə, sözügedən əmlak şəhərin ən prestijli bölgələrindən birində yerləşir və yüksək səviyyəli komfortu ilə seçilir.

Bu binanı digərlərindən fərqləndirən əsas xüsusiyyət isə xüsusi avtomobil lift sistemidir.

Belə ki, mənzil sahibi avtomobilini birbaşa yaşadığı mərtəbəyə qaldıra bilir. Bu texnologiya həm təhlükəsizlik, həm də maksimum rahatlıq baxımından diqqət çəkir.

Geniş panoramik şəhər mənzərəsi olan ev "üst seqment" həyat tərzinin simvolu hesab olunur.

Ekspertlərin fikrincə, Neymarın bu addımı Dubayın beynəlxalq ulduzlar və böyük investorlar üçün cəlbedici mərkəz olaraq mövqeyini daha da gücləndirir./baku.ws