Özünü əlil kimi göstərib dilənən şəxs ifşa olundu; MOTOSİKLETƏ MİNİB GETDİ - VİDEO

Türkiyənin İstanbul şəhərinin Sultanqazi rayonunda özünü əlil kimi təqdim edərək küçədə dilənçilik edən şəxsin axşam saatlarında motosikletə minib ərazidən uzaqlaşdığı anlar mobil telefon kamerası ilə qeydə alınıb.

Avtosfer.az xəbər verir ki, sosial şəbəkələrdə yayılan görüntülərdə həmin şəxsin ayağını sarğı ilə bağlayaraq hərəkət edə bilməyəcək vəziyyətdə olduğunu göstərməsi diqqət çəkib. Gün ərzində vətəndaşların mərhəmət hissindən sui-istifadə edən şəxs axşam saatlarında isə heç bir çətinlik yaşamadan motosikletinə minib oranı tərk edib.

Hadisə ilə bağlı sosial şəbəkə istifadəçiləri ciddi tənqidlər səsləndirərək bu kimi halların artmasının cəmiyyətin ehtiyaclı şəxslərə olan etimadına zərbə vurduğunu bildiriblər. 

Eltac Zülfüqaroğlu