Polislərə elektrikli skuter veriləcək

Rusiyanın Sankt-Peterburq Qanunvericilik Məclisinin deputatı Pavel Krupnik patrul-mühafizə xidmətinin və digər polis bölmələrinin əməkdaşlarına elektrik skuterlərinin verilməsini təklif edib.

Avtosfer.az yerli mediaya istinadla xəbər verir ki, o, müvafiq təklifi Daxili İşlər Nazirliyinin rəhbəri Vladimir Kolokoltsevə göndərib.

Krupnik öz müraciətində vurğulayıb ki, şəxsi mobillik avadanlığı sənayesinin inkişafı hüquq-mühafizə orqanlarının texnologiyanın inkişafı ilə bərabər qalmasını diktə edir. Onun sözlərinə görə, cinayətkarlar artıq yeni texniki reallığı mənimsəyiblər.

Bununla əlaqədar, deputat küçələrdə xidmət edən polis əməkdaşlarının müvafiq yeni nəsil nəqliyyat vasitələri ilə təchiz edilməsi ideyasını dəyərləndirməyi təklif edib.(lent.az)