Polşada azərbaycanlı sürücüləri gözləyən problemlər

Polşanın Nəqliyyat və Logistika Assosiasiyası (TLP) əcnəbi sürücülərlə bağlı narahatlığını dilə gətirib. 

Avtosfer.az xəbər verir ki, Polşada yüklərin 80 faizi avtomobillə daşınır. Nəqliyyat sektorunda ÜDM-in 7 faizi formalaşır. Assosiasiya bildirir ki, ölkədə 150 min sürücüyə ehtiyac var. Bununla belə, bəzi amillər xarici, daha doğrusu Avropa vətəndaşı olmayan sürücülərin gəlməsinə mane olur. Son nəticədə iqtisadi artım ləngiyir. 

TLP sürücü kimi işləmək istyəyən əcnəbilərin qarşılaşdığı 5 əsas problemi sadalayıb:

- yaşayış və iş icazələrinin alnması üçün uzunmüddətli gözləmə. Bu səbəbdən sürücü Polşa hüdudlarını tərk edə bilmir. 
- qeyri-şəffaf və uzun çəkən viza proseduru.
- Polşa vizasından sui-istifadənin qarşısının alınması üçün tədbirlərin yetərsizliyi.
- miqrasiya ilə bağlı ikitərəfli sazişlərin yoxluğu.
- əcnəbilərin işə götürülmə prosedurlarında qeydi-ardıcıl qaydalar.
Assoasiasiya peşəkar əcnəbi sürücülərin işə cəlb edilməsini asanlaşdırmaq üçün qanunvericilikdə dəyişiklik aparılmasını istəyir. 
Qeyd edək ki, Azərbaycandan da çox sayda sürücü Polşada işləyir.

Vüqar Yaşaroğlu