QAR YAĞDI: Nəqliyyatın hərəkəti DAYANDI

Antarktidadan gələn soyuq hava cərəyanları Yeni Zelandiyanın Cənub adasına doğru irəliləyərək dəniz səviyyəsinə qar yağdırıb, şiddətli soyuqlar və nəqliyyatın hərəkətində fasilələr yaradıb.

Avtosfer.az "Reuters"ə istinadən xəbər verir ki, cənub adasının ikinci ən böyük şəhəri olan Dunedin şiddətli hava şəraitindən ən çox zərər çəkib. Küçələri qar örtüb və polis buzlu yollar səbəbindən sakinləri vacib olmayan səyahətlərdən çəkinməyə çağırıb.

Polis səhər saatlarında bir neçə yol qəzası baş verdiyini, lakin xəsarət alanların olmadığını bildirib.