Qoyunlar təyyarə ilə daşındı

Yəqin “Yol əhvalatı” filmindəki səhnəni çoxları xatırlayır. Kənddən bakıya qoyunlar An-2 təyyarəsi (Kukuruznik) ilə daşınır. Bu dəfə isə real həyatda qoyunlar bir ölkədən digərinə yük təyyarəsi ilə aparılıb. 

Avtosfer.az xəbər verir ki, bir müddət əvvəl Özbəkistan Monqolustandan 100 min baş qoyun almağa dair müqavilə imzalayıb. Artıq qoyunların ilk partiyasını Qırğızıstanın KAP KG aviaşirkətinə məxsus yük təyyarəsi Nəvai şəhərinə çatdırıb. Yükün ümumi həcmi 37 ton olub. Xırdabuynuzlu heyvanlar xüsusi konteynerlə daşınıb. Uçuş 4 saata yaxın davam edib. 

Noyabradən 60 reyslə 50 min baş qoyunun daşınması nəzərdə tutulur. Monqolustana uçan təyyarə də boş getmir. Onun yükü Öbəkistanın sənaye və kənd təsərrüfatı məhsulları olur.

Vüqar