"Red Bull"un rəhbəri Alonsonu istəmir: Xaos yaratmağa meyillidir...

"Red Bull"un rəhbəri Kristian Horner komandadan ayrılan Daniel Rikkiardonun yerini Fernando Alonso ilə doldurmağın faydasız olduğunu hesab edir.

Avtosfer.Az Milli.Az-a istinadən xəbər verir ki, Rikkiardo 2014-cü ildən çıxış etdiyi komandadan ayrılaraq, "Reno"ya keçir. Avstraliyalı pilotun yerinə Alonsonun adının hallanması ilə bağlı "Red Bull"un rəhbəri Horner açıqlama verib. O, bu seçimin komandaya mənfi təsir edəcəyini bildirib:

"Fernandoya hörmətim var. O, möhtəşəm, fantastik sürücüdü. Ancaq onu "Red Bull"da görmək çox çətindir. Fernando hara gedirsə, orda xaos yaratmağa meyilli biridir. Alonsonun qatılmasının komanda üçün yaxşı olacağına əmin deyiləm".