Rusiyada benzin böhranı - Taksi sürücüləri işə çıxmır

Rusiyanın bir sıra regionlarında yanacaq böhranı taksi çatışmazlığı yaradıb.

Avtosfer.az xəbər verir ki, yanacaqdoldurma məntəqələrində qiymətlər artdığı üçün taksi daşımaları əvvəlki kimi gəlir gətirmir və bu səbəbdən də bir çox sürücü xəttə çıxmaq istəmir.

Məlumata görə, sürücülərin sektoru tərk etmə sürəti 20 faiz artıb.

Həmçinin iyunun 22-dən 28-dək rusiyalıların taksi, karşerinq və avtomobil icarəsinə xərcləri 3 faiz azalıb.

Bu, bütün mal və xidmət kateqoriyaları üzrə ümumi xərclərin 7,9 faiz artdığı bir dövrdə baş verib.

Rusiya Prezidenti Vladimir Putinin hökumət üzvləri ilə keçirdiyi müşavirədə baş nazirin müavini Aleksandr Novak daxili bazarın neft məhsulları ilə təminatını artırmağa yönəlmiş yeni tədbirlər barədə məlumat verib.

O bildirib ki, Nazirlər Kabineti bununla bağlı zəruri qanunvericilik dəyişikliklərini artıq hazırlayıb. /Kommersant/